Freelancer-ын давуу тал
Freelancer болсноор та:
⦁ Өндөр орлого олох боломжтой
Фрийлансерууд буюу чөлөөт ажилчид хийснээрээ цалинжих гэсэн зарчимтай ажилладаг. Чөлөөт ажилчидын 80 гаруй хувь нь уламжлалт ажилчидаас өндөр цалин авдаг гэсэн судалгаа байдаг. Хэрэв та өөрийгөө сайн хянаж, ажлаа тогтоосон хугацаанд гүйцэтгэж, ажил бүрээсээ ноу-хау эзэмшиж чадвал freelancing нь цалингийн хувьд хамгийн ашигтай сонголт байх болно. Орлого тогтмол гэсэн баталгаа байхгүй боловч та өөрийн чадварын хэрээр орлогоо нэмэгдүүлэх боломжтой.
⦁ Байгууллага ба хувь хүмүүс чөлөөт ажилтнуудаас сонголт хийх боломжтой
Өнөө үед чөлөөт ажилтан хөлслөх хүсэлтэй компани олон болсон. Та бичих – найруулах , график дизайн, вэб боловсруулах, нягтлан бодох бүртгэл, борлуулалт, маркетинг, орчуулга, эрүүл мэндийн үйлчилгээ гэх мэт салбаруудаас сонголтоо хийх боломжтой. Анх дотооддоо боловсон хүчин авч ажиллуулж байсан салбарууд хүртэл төслөө хэрэгжүүлэхэд нь туслах зорилгоор гадны чөлөөт ажилчидад хандаж байна.
Сүүлийн үед байгууллагууд Freelancer нарыг ажилд хөлслөх сонирхол нэмэгдэж байгаа. Өнөө үед олон хүмүүс үндсэн ажилтнаар, хажуугаар нь бас чөлөөт ажилтанаар ажилладаг болжээ. Тэдний сарын сүүлээр тогтмол цалигаа авах ба чөлөөт ажилын цалингаа ч мөн авах юм. Энэ нь ирээдүйд хуримтлал үүсгэх, орлогоо нэмэгдүүлэх гэх мэт хүний амьдралд чухал давуу тал үүсгэж байна.
