Зочлох үйлчилгээ буюу рестораны ажилчидын ажлын байрны зарын нэгдсэн зах – АжлынЗах
Дэлхийн зах зээлд хувь нэмэр оруулж буй салбар бол яахын аргагүй зочлох үйлчилгээ, рестораны салбар юм. Ресторанууд нь цэцэглэн хөгжиж буй бизнес, нийгэм, оюун ухаан, урлагийн амьдралд үргэлж чухал үүрэг гүйцэтгэж ирсэн. Амьдралын томоохон, хувийн болон мэргэжлийн үйл явдлуудыг ресторанд тэмдэглэдэг. Танилууд рестораны аюулгүй, тав тухтай орчинд ширээний ард найзууд болох нь бий. COVID-19 – ийн үед зоогийн газруудын үйлчилгээ хүргэлтээр явагдах болсон тул дасан зохицох чадварыг харуулсаар байна.
Ажилчид ажлаа хэр сайн хийснээр тухайн ресторан үйлчлүүлэгчидэд үнлэгддэг тул рестораны салбарт ажилчид хамгийн их нөлөө үзүүлдэг. Ажлаа сайн хийнэ гэдэг нь зөв хийж нямбай ажиллах, тоног төхөөрөмж, материалтай зөв харьцах, аюулгүй ажиллахыг хэлнэ. Ажил зөв хийгдсэн тохиолдолд үйлчлүүлэгчид сэтгэл хангалуун байх болно. Зөв хийгдсэн ажил нь гомдол, санал өгөхгүй гэсэн үг бөгөөд үйлчлүүлэгч эсвэл удирдагчийн магтаал хүртэх болно.
Сайн бэлтгэгдсэн ажиллах хүч нь тухайн рестораны цаг хугацаа, зардлыг хэмнэж, ашиг орлогыг нэмэгдүүлдэг. Тиймээс багийн гишүүн бүр хүлээлгийн ажилтан, гал тогооны өрөөний ажилчдаас менежерүүд хүртэл өрсөлдөөн ихтэй салбартаа онцгой байр сууриа хадгалахын тулд тууштай, тасралтгүй ажиллах хэрэгтэй юм.
Манай Монгол улсын хувьд тэртээх 18-р зууны үед Улаанбаатар хотын зочлох үйлчилгээний байгууллагуудын анхны хувилбар нь 3-4 өрөөтэй суурин байшингууд байжээ. Мөн энэ үеэс зочлох үйлчилгээний хоолны үйлчилгээний салбар буюу одогийн ресторанууд хөгжиж эхэлсэн байна. Энэ үеийн нэг онцлог нь хоолны газруудын ихэнх нь томоохон пүүсүүдийн эзэнд харьялалтай олон салбаруудаас бүрдэж байжээ. Өөрөөр хэлбэл өнөөгийн Улаанбаатар хотод байгаа сүлжээ хоолны газрууд, сүлжээ ресторануудын эхлэл 18-р зууны сүүлээс тавигджээ.
1948 онд одоогийн “Туул” рестораны барилга баригдсан ба энэ нь хамгийн анхны Улаанбаатар хотын рестораны зориулалтаар баригдсан барилга юм. Харин 1991 оноос хооллох үйлчилгээний газрууд маш хурдацтай хөгжиж эхэлсэн байна. Өмнө нь хэдхэн ресторан, 200 хүрэхгүй нийтийн хоолны газрууд байдаг байсан бол үйлчилгээ, хэлбэр нь төрөлжиж ресторан, зоогийн газар, кафе, паб, энгийн гуанз, цайны газрууд хэдэн зуугаараа бий болж үйлчилгээгээ, үнээрээ өрсөлдөж эхэлсэн байна.Зочлох болон хооллох үйлчилгээний газрууд сүүлийн үед хөгжин, боловсронгуй болсоор байгаа билээ.
